गिझा पिरॅमिड जगातील सर्वात रहस्यमय वास्तूंमध्ये गणला जातो. हजारो वर्षांपासून संशोधक आणि इतिहासतज्ज्ञ याच्या गूढतेचा शोध घेत आहेत. मात्र, अलीकडेच दोन आंतरराष्ट्रीय संशोधकांनी केलेला एक दावा संपूर्ण जगाला अचंबित करणारा ठरला आहे. संशोधकांनी असा दावा केला आहे की गिझा पिरॅमिडच्या खाली तब्बल 6,500 फूट खोल एक प्रचंड भूमिगत शहर आहे आणि या संशोधनामुळे संपूर्ण जगात एकच खळबळ उडाली आहे.
संशोधक कोराडो मलंगा आणि फिलिपो बिओंडी यांनी अत्याधुनिक रडार पल्स तंत्रज्ञानाचा वापर करून गिझाच्या पिरॅमिडखाली एक उच्च रिझोल्यूशन प्रतिमा तयार केली. या प्रतिमांमध्ये 8 मोठ्या दंडगोलाकार रचना 2,100 फूट खोलीपर्यंत, तर इतर गूढ संरचना तब्बल 4,000 फूट खोलपर्यंत पसरलेल्या आढळल्या. संशोधकांच्या मते, या सर्व रचनांचा एकत्र अभ्यास केल्यास ते एक संपूर्ण भूमिगत शहर असू शकते.
संशोधकांच्या अंदाजानुसार, हे भूमिगत शहर प्राचीन इजिप्शियन संस्कृतीसाठी अत्यंत महत्त्वाचे होते. येथे राजघराण्यांचे रहस्य, गूढ विधी आणि प्रचंड संपत्ती लपवली गेली असण्याची शक्यता आहे. जर हा दावा खरा ठरला, तर तो पुरातत्त्वशास्त्राच्या इतिहासातील सर्वात मोठा शोध ठरेल!
दाव्यावर तज्ज्ञांची शंका मात्र, डेन्व्हर युनिव्हर्सिटीचे प्रोफेसर लॉरेन्स कोनियर्स यांनी या दाव्याला संपूर्णपणे फेटाळले आहे. त्यांच्या मते, पृथ्वीच्या इतक्या खोल भागांपर्यंत पोहोचणे आणि तिथले अचूक नकाशे तयार करणे सध्याच्या तंत्रज्ञानाने शक्य नाही. त्यामुळे 6,500 फूट खोल भूमिगत शहराचा दावा अतिशयोक्तीपूर्ण वाटतो.
गिझा पिरॅमिड हा 4,500 वर्षांपूर्वी बांधला गेला असून, तो फारो राजांच्या नावाने ओळखला जातो. यापूर्वीही संशोधकांनी पिरॅमिडच्या आत आणि खाली गुप्त कक्ष, सुरंग आणि अज्ञात खोलींच्या संदर्भात दावे केले आहेत.
संशोधन अहवालानुसार, ही माहिती रडार इमेजिंगद्वारे मिळाल्याने त्यावर विश्वास ठेवण्यास वाव आहे. मात्र, त्याची प्रत्यक्ष पडताळणी आणि अधिकृत पुरावे मिळेपर्यंत हा दावा निश्चित मानता येणार नाही. भविष्यात अधिक आधुनिक तंत्रज्ञानाद्वारे या भूमिगत शहराचे रहस्य उलगडू शकते.
तुमच्या मते, गिझा पिरॅमिडच्या खाली खरोखरच भूमिगत शहर असू शकते का? तुमचे विचार आम्हाला नक्की कळवा!
About The Author
