सध्या सर्वत्र विकी कौशलच्या ‘छावा’ सिनेमाची चर्चा रंगली आहे. या सिनेमात मराठी आणि हिंदी कलाकारांची मोठी मांदियाळी आहे. विशेषतः, ‘भाडिपा’ या मराठी कंटेंट चॅनलचे संस्थापक आणि अभिनेता सारंग साठ्ये यांनी साकारलेली ‘गणोजी शिर्के’ ही नकारात्मक भूमिका चांगलीच गाजते आहे. त्याच्यासोबत अभिनेता सुव्रत जोशी यांनी ‘कान्होजी’ची भूमिका साकारली आहे. या दोघांची पात्रं प्रेक्षकांना चांगलीच खटकली, पण त्यांनी आपली कामगिरी प्रभावीपणे पार पाडली आहे.
अशातच, एका मुलाखतीदरम्यान सारंग साठ्ये यांनी ‘छावा’ सिनेमातील त्यांच्या भूमिकेबद्दल प्रतिक्रिया दिली. एनडीटीव्हीला दिलेल्या मुलाखतीत त्यांना विचारण्यात आलं की, गणोजींच्या भूमिकेबद्दल प्रेक्षकांचा कसा प्रतिसाद आहे? यावर सारंग म्हणाले, “प्रेक्षक मला मारायला निघालेत! त्यामुळे मी फारसं बोलणार नाही. पण हे साहजिकच आहे. गणोजी शिर्के यांनी स्वराज्यावर घात केला होता. त्यामुळे प्रेक्षकांचा रोष असणं स्वाभाविक आहे, आणि मी तो स्वीकारतो.”
‘छावा’ सिनेमात सारंग साठ्ये यांनी आपल्या नकारात्मक भूमिकेचं सशक्त सादरीकरण केलं आहे. त्यांच्या या भूमिकेने प्रेक्षकांच्या भावना चांगल्याच तीव्र केल्या आहेत, आणि त्यामुळेच त्यांच्या अभिनयाची सर्वत्र चर्चा होत आहे.
यामुळेच ‘छावा’ हा सिनेमा अधिक चर्चेत आला असून, ऐतिहासिक पात्रांच्या सशक्त सादरीकरणामुळे प्रेक्षक अधिक भावनिक होत आहेत. या भूमिकेमुळे सारंग साठ्ये यांची अभिनयक्षमता अधोरेखित झाली असून, त्यांच्या आगामी प्रोजेक्ट्सबद्दलही उत्सुकता वाढली आहे.
About The Author
