आज सोशल मीडियावर विराट कोहली आणि अनुष्का शर्मा यांचा लंडनमधील एक छोटासा व्हिडिओ प्रचंड व्हायरल होत आहे. त्या व्हिडिओमध्ये दोघेही शांतपणे रस्त्याने चालत आहेत, कुठेही मोठा सिक्युरिटी ताफा नाही, तामझाम नाही; फक्त साधेपणाने हातात छत्री आणि पाण्याची बाटली घेतलेला विराट आणि त्याच्या बाजूला हसत-गप्पा मारत चालणारी अनुष्का!
या व्हिडिओने अनेकांची मनं जिंकली, कारण त्यात “स्टार कपल” दिसत नाही, तर असं जोडपं दिसतं जे सामान्य माणसासारख्या साध्या जीवनात आनंद मानतं. सहज रस्त्यावरून जात असताना, अनोळखी लोकांशी प्रेमाने गप्पा मारतात; कुणी हाक मारली तर थांबून आपुलकीने विचारपूस करतात.
आजच्या धावपळीत आणि प्रसिद्धीच्या सर्वोच्च शिखरावर असतानाही इतका साधेपणा आणि आपुलकी दाखवणं हेच त्यांचं सर्वात मोठं आकर्षण आहे. लोकांनी या व्हिडिओवर “Simple yet Royal”, “Real Power is Kindness” अशा प्रतिक्रिया दिल्या आहेत आणि त्या अगदी योग्य आहेत.
आपण सगळे त्यांच्याकडून एक छोटी पण महत्त्वाची गोष्ट शिकू शकतो, प्रसिद्धी असो वा साधं आयुष्य, चांगलं वागणं, प्रेमाने बोलणं आणि लोकांचा सन्मान करणं हेच खरे संस्कार असतात. शेवटी एवढंच सांगावसं वाटतं की, प्रेम आणि नम्रता नेहमीच लोकांच्या मनात जागा मिळवतात, आणि ज्या जोडीला हे जमतं, तेच खरं “स्टार कपल”!
About The Author
