चित्रपताका: मराठी चित्रपट महोत्सवाची भव्य सुरुवात!

मुंबईतील पु. ल. देशपांडे महाराष्ट्र कला अकादमीच्या रवींद्र नाट्य मंदिरात पार पडलेल्या या सोहळ्याचे उद्घाटन सांस्कृतिक मंत्री आशिष शेलार आणि महाराष्ट्र भूषण अशोक सराफ यांच्या हस्ते पार पडले. यावेळी चित्रपताका महोत्सवाचे शीर्षकगीत देखील प्रकाशित करण्यात आले.कार्यक्रमास चित्रपट सृष्टीतील दिग्गज जसे किरण शांताराम, जब्बार पटेल, तसेच वरिष्ठ प्रशासकीय अधिकारी विकास खारगे, स्वाती म्हसे पाटील, मीनल जोगळेकर आणि पुरुषोत्तम बेर्डे उपस्थित होते. या कार्यक्रमात अशोक सराफ यांनी उपस्थितांना उद्देशून म्हटले की, “प्रेक्षकांच्या प्रेमामुळेच आपण कलाकार म्हणून मोठे झालो. अशा भव्य महोत्सवात गौरव होणे ही सन्मानाची बाब आहे.” त्यांनी आशिष शेलार यांच्या द्रष्ट्या नेतृत्वाचेही कौतुक केले आणि सांगितले की, “या योजनांमुळे मराठी कलाकारांना मोठा आधार मिळणार आहे.”

उद्घाटनाचा चित्रपट – ‘एप्रिल मे ९९’
महोत्सवाचा शुभारंभ रोहन मापुस्कर दिग्दर्शित ‘एप्रिल मे ९९’ या चित्रपटाने झाला. सामाजिक वास्तवावर भाष्य करणारा, भावनिक आणि सुसंवादी अशा या चित्रपटाने उपस्थित रसिकांची मनं जिंकली.

सांस्कृतिक कार्यक्रम : नृत्य, संगीत आणि अभिमान
कार्यक्रमाची सुरुवात जुई बेंडखळे यांच्या गणेश वंदनेने झाली. त्यानंतर अभिनेत्री भार्गवी चिरमुले हिने ‘लाभले आम्हास भाग्य बोलतो मराठी’ या राष्ट्रगीतावर नृत्य सादर केले.

श्रेय बुगडे हिच्या ओघवत्या निवेदनात रंगलेल्या कार्यक्रमात मृण्मयी देशपांडे, मीरा जोशी आणि अनुष्का सरकटे यांनी मराठी आणि हिंदी गाण्यांवर अप्रतिम नृत्य सादर करत वातावरण भारावून टाकले.

नवोदित कलाकारांसाठी सुवर्णसंधी : ऑडिशन योजना
महोत्सवात आणखी एक खास उपक्रम म्हणजे नवोदित कलाकारांसाठी सुरू करण्यात आलेली ऑडिशन योजना. पु. ल. देशपांडे कला अकादमीत सुरू झालेली ही मोफत योजना चार दिवसांसाठी खुली असून, त्यानंतर ती नाममात्र शुल्कात सुरू राहणार आहे. इच्छुक कलाकारांनी येथे उपस्थित राहून ऑडिशन द्यायची आहे, ज्यातून चित्रपट निर्माते आणि दिग्दर्शक त्यांची निवड करू शकतात. उद्घाटन कार्यक्रमाचे सुत्रसंचालन करणाऱ्या सुबोध भावे आणि सोनाली कुलकर्णी यांनी याची माहिती दिली.

चित्रमहर्षी दादासाहेब फाळके यांच्या ‘राजा हरिश्चंद्र’ या ऐतिहासिक चित्रपटाच्या पहिल्या प्रदर्शनाच्या ११२ व्या वर्धापन दिनाचे औचित्य साधून, यंदापासून दरवर्षी २१ एप्रिलच्या दरम्यान एक आंतरराष्ट्रीय दर्जाचा मराठी चित्रपट महोत्सव आयोजित केला जाणार आहे. ही घोषणा राज्याचे सांस्कृतिक कार्यमंत्री ॲड. आशिष शेलार यांनी नुकतीच केली आहे. या महोत्सवामुळे मराठी चित्रपटसृष्टीला नवसंजीवनी मिळणार असून, तंत्रज्ञान आणि जागतिक स्पर्धेला सामोरे जाण्यासाठी राज्य सरकारकडून निर्माते-दिग्दर्शकांना आर्थिक पाठबळही दिले जाणार आहे.

उद्घाटनाचा चित्रपट : ‘एप्रिल मे ९९’
महोत्सवाच्या सुरुवातीस रोहन मापुस्कर दिग्दर्शित ‘एप्रिल मे ९९’ या चित्रपटाचे भव्य प्रदर्शन करण्यात आले. हा चित्रपट महोत्सवाचा उद्घाटनाचा विशेष चित्रपट म्हणून सादर झाला.

संस्कृतीचा रंगमंच गाजवणारे सांस्कृतिक कार्यक्रम
सांस्कृतिक कार्यक्रमाची सुरुवात जुई बेंडखळे यांच्या गणेश वंदनेने झाली. त्यानंतर अभिनेत्री भार्गवी चिरमुले हिने ‘लाभले आम्हास भाग्य बोलतो मराठी’ या गीतावर नृत्य सादर केले. श्रेय बुगडे हिच्या निवेदनात रंगलेल्या कार्यक्रमात, मृण्मयी देशपांडे, मीरा जोशी, आणि अनुष्का सरकटे यांनीही नृत्य सादर करून उपस्थितांची मने जिंकली.

नवोदित कलाकारांसाठी सुवर्णसंधी : ऑडिशन योजना
सांस्कृतिक विभागातर्फे नवोदित कलाकारांसाठी ऑडिशन योजना सुरू करण्यात आली आहे. ही योजना पु. ल. देशपांडे महाराष्ट्र कला अकादमीमध्ये ४ दिवस मोफत असून नंतर नाममात्र दरात सुरू राहणार आहे. या ऑडिशनमुळे अनेक नवोदित कलाकारांना संधी मिळणार असून निर्माते-दिग्दर्शकांना प्रतिभावान कलाकारांची निवड करता येणार आहे.

२२ एप्रिलला २०२५ चे कार्यक्रम
• १२ वाजता: ‘काल, आज आणि उद्याचे मराठी चित्रपट – गीत, संगीत, शब्द, सूर आणि तंत्र’ या विषयावर कार्यशाळा, सूत्रसंचालक – कौशल इनामदार
• ३ वाजता: प्रसिद्ध दिग्दर्शक हंसल मेहता यांची मुलाखत, मुलाखतकार – किशोर कदम
• ६ वाजता: ‘चित्रपटाचे तंत्र आणि त्यातील संधी’ या विषयावर परिसंवाद, सहभागी – उज्ज्वल निरगुडकर, पंकज सोनावणे, सुप्रिया पाटणकर, सूत्रसंचालक – सौमित्र पोटे

चित्रपताका महोत्सव हे केवळ एक चित्रपट महोत्सव नसून, मराठी चित्रसृष्टीला नव्या उंचीवर नेणारे व्यासपीठ आहे. यामार्फत नवोदित कलाकारांना संधी, तंत्रज्ञानातील नवनवीन वाटा आणि आंतरराष्ट्रीय दर्जाची दृष्टी मिळणार आहे. हे महोत्सव महाराष्ट्राच्या सांस्कृतिक वैभवाचा नवा अध्याय ठरणार, यात शंका नाही!