संपत्ती आणि समृद्धी मिळवण्यासाठी “या” मुहूर्तावर करा लक्ष्मीपूजन व मुहूर्त ट्रेडिंग

दिवाळीच्या पाच दिवसांच्या उत्सवात लक्ष्मीपूजनाचा दिवस अत्यंत महत्वाचा मानला जातो. दर्श अमावस्येच्या दिवशी हे पूजन केले जाते. या दिवशी संपत्ती, सौभाग्य आणि समृद्धीची भक्तिभावे पूजा केली जाते. या लेखाद्वारे आपन लक्ष्मीपूजनाचे महूर्त आणि वेळ जाणून घेणार आहोत.

लक्ष्मीपूजनादिवशी संध्याकाळी सूर्यास्तानंतर घरातील सर्व सदस्य एकत्र बसून गणपती आणि लक्ष्मीचे पूजन करतात. लक्ष्मीसमोर फुले, फळे, खडीसाखरेचा नैवेद्य ठेवला जातो. लाडू, करंजी देखील दाखवली जाते. घराघरांमध्ये दिवे लावले जातात.

लक्ष्मी म्हणजे केवळ धनसंपत्ती नव्हे, तर शुद्धता, चांगुलपणा, सौहार्द आणि मानसिक समृद्धी असे देखील मानले जाते. अमावस्येच्या रात्री अंधार दूर सारण्यासाठी, लोक आपल्या घरात दिवे लावतात, ज्यामुळे “अज्ञान आणि दारिद्र्याचा अंधार श्रद्धेच्या प्रकाशाने दूर व्हावा यासाठी घरात दाराबाहेर दिवे लावले जातात. जे घर स्वच्छ व उजळलेले असते तिथेच लक्ष्मी प्रथम प्रवेश करते असे मानले जाते, म्हणून दिवाळीच्या आधी घराची साफसफाई आणि सजावट केली जाते.

मुहूर्त ट्रेडींग
यंदा लक्ष्मीपूजनाचा मुहूर्त सायंकाळी 6 वाजून 10 मिनिटे ते रात्री 8 वाजून 40 मिनिटांपर्यंत असणार आहे. तर यंदा ट्रेडींगचा मुहूर्त दुपारी 1 वाजून 45 मिनिट आणि 2 वाजून 45 मिनिटांपर्यंत असणार आहे.

दिवाळी हा सण समृद्धी आनंदाचे प्रतीक मानले जाते. वाईटावर चांगल्याचा विजयाचा हा उत्सव असतो. मुहूर्त ट्रेडिंग देखील याचाच एक भाग आहे. असे मानले जाते की, या दिवशी शेअर बाजारात गुंतवणूक केल्यास वर्षभर लाभ होतो.