Crime story:माता न तू वैरिणी! नवजात बाळाच्या तोंडाला फेविक्विक लावून फेकले दगडांच्या ढिगात

राजस्थानच्या भीलवाडा जिल्ह्यात मानवतेला काळीमा फासणारी धक्कादायक घटना घडली आहे. मांडलगढ परिसरातील सीताकुंड जंगलात दगडांच्या ढिगाऱ्याखाली एक अवघं १५ दिवसांचं नवजात बाळ आढळून आलं. विशेष म्हणजे, बाळाच्या तोंडात दगडं कोंबून वरून फेविक्विक लावण्यात आलं होतं. तरीही बाळ चमत्कारीकरीत्या जिवंत असून सध्या उपचार सुरू आहेत.

Crime Story : पत्नीने चिकन करायला दिला नकार! म्हणून पतीने उचलले टोकाचे पाऊल
Navaratri 2025:मुंबादेवीवरून मुंबई! पण मुंबा हे नाव देवीला कसे मिळाले?
Navaratri 2025 : पाकिस्तानातील मुस्लिम करत असलेली नानी का हज आहे आपल्या हिंदूंचे शक्तिपीठ !

मंगळवारी दुपारी जनावरे चरण्यासाठी जंगलात गेलेल्या एका गुराख्याला दगडांच्या ढिगाऱ्यातून मंद स्वरात रडण्याचा आवाज आला. संशय आल्यानंतर तो जवळ गेला असता दगडाखाली बाळ दिसले. त्याने तत्काळ दगड हटवून बाळाला बाहेर काढले. याबाबतची माहिती त्याने जवळच्या मंदिरात बसलेल्या ग्रामस्थांना दिली आणि नंतर पोलिसांनाही कळवण्यात आले.

घटनास्थळी पोलिस पोहोचले असता तिथे फेविक्विकचे रिकामे पाऊच देखील आढळून आले. प्राथमिक चौकशीतून असे स्पष्ट झाले की, बाळाचा रडण्याचा आवाज थांबवण्यासाठी त्याच्या तोंडात दगडं भरून फेविक्विकने तोंड बंद करण्यात आलं होतं.

ताबडतोब १०८ रुग्णवाहिकेच्या मदतीने बाळाला बिजौलिया येथील रुग्णालयात दाखल करण्यात आलं. मात्र प्रकृती गंभीर असल्याने त्याला भीलवाडा जिल्हा रुग्णालयात हलवण्यात आलं. डॉक्टरांनी दिलेल्या माहितीनुसार, बाळाची प्रकृती सुधारत आहे. मात्र दगडांच्या उष्णतेमुळे त्याच्या शरीराचा डावा भाग भाजला आहे.

दरम्यान, पोलिसांनी अज्ञातांविरोधात गुन्हा दाखल करून तपास सुरू केला आहे. परिसरातील सीसीटीव्ही फुटेज तपासले जात असून आरोपींचा शोध सुरू आहे.