प्रिय कॉमन मॅन,
जय महाराष्ट्र सायेब… खरं सांगायचं तर तुम्ही सोताला कॉमन मॅन, डेडिकेटेड टू कॉमन मॅन असं म्हणता तवा एक सामान्य माणूस म्हणून लै भारी वाटतं. आपलाच मोठा भाऊ बोलत असल्यासारखं वाटत. म्हणूनच हे एका कॉमन मॅनचं आपल्या डेडिकेटेड कॉमन मॅनला पत्र…
खोटं नाय बोलत सायेब पण जव्हा तुमी उठाव केला तवा पार बट्ट्याभोळ झाल्यासारखं वाटलं होतं पण तुम्ही मुख्यमंत्री झाल्यावर जो योजनांचा आणि कामांचा तडाखा लावला अन कुठल्याबी विघ्नात लोकांमधी उतरून काम करायला लागलात तवा वाटलं हा माणूस आधीच्या मुख्यमंत्र्यासारखा आमच्याबरं फटकून वागणारा नाय, तर आपुलकीनं जवळ घेणाराय. कुठं काय बेक्कार घडलं की लगीच मदतीला हजर, रस्त्यावर ऍक्सिडंट झालेल्या बघितला की लगीच ताफा थांबवून मदत, कोणी आमच्यासारखा अडचण घेऊन आला की लगीच फाडला चेक.. आव असा CM आम्ही पहिल्यांदाच बघत होतो. CM असून तुमच्यातला तो कॉमन मॅन आम्ही पहिलाच पण तुमच्यातला खरा शिवसैनिक आम्ही सगळीकडंच बघत असतो.
सायेब तुमची लै मदत झालीय बघा आमाला.. मागल्या वर्षी भावाला पोरगी झाली अन घरात लक्ष्मी आली. आयच्यान सांगतो तिच्या भविष्याच्या खर्चाचं टेन्शनच आलं नाही बघा कारण तुमी आणलेली ‘लाडकी लेक योजना’. आवो तुमी वयोवृद्ध लोकांसाठी एसटी फुकट केल्यापासून आमच्या अण्णांचा तर पाय घरात ठरना, नुसतं लेकीकडं पळतंय.. आन आमची तायडी बी लै खुश हाय बघा सायेब तुमच्यावर कारण माह्यासारख्या सक्ख्या भावाला जमलं नाही ते तुम्ही ‘लाडकी बहीण योजना’ सुरु करून केलंत. पण मी उलसाक नाराजय तुमच्यावर अहो तुम्ही महिलांसाठी एसटीत हाफ तिकीट केल्यापासून मला कुठं जायलाच मिळना झालंय, लग्नकार्य, बाजारहाट कुठंबी आमची मंडळीच निघतेय..सायेब खरं सांगायचं तर पैसे वाचत्यात. आन एक शेवटचं बोलतो सायेब शेतकऱ्यांसाठी वीजबिल माफ केल्याबद्दल धन्यवाद! आता हिरव्यागार वावराला वीचबीलाचं भ्या वाटत नाय आणि १ रुपयात पीकविमा देऊन तर लै मोठा आधार दिलात. खरंच थँक यु!
सायेब माह्यासारख्या असंख्य शेतकरी भावांचं, लाडक्या बहिणीचं प्रेम आन थोरामोठ्यांचा आशीर्वाद तुमच्यासोबतय. लहान भाऊ म्हणून प्रेमाचा एक सल्ला देतो तुमचा ६० वा वाढदिवस आलाय आन आमाला तुमचा १०० वा वाढदिवस साजरा करायचंय त्यामुळं आमची काळजी घेता घेता सोताची बी काळजी घ्या. तब्येतीकडं लक्ष द्या कारण आमच्यातला हा कॉमन मॅन आमाला नेहमी मनानं तरुण आन शरीरानं ठणठणीतच बघायचाय. शिंदे सायेब तुमी दीर्घायुषी व्हावं हीच आमची सदिच्छा आन या एका कॉमन मॅन कडून डेडिकेटेड टू कॉमन मॅनला वाढदिवसाच्या मनापासून शुभेच्छा!
-आपलाच शेतकरी भाऊ
मूळचा सोलापूर जिल्ह्यातील मोहोळ तालुक्यातील असलेला सिकंदर शेख हा कोल्हापूरच्या गंगावेश तालमीत घडलेला एक गुणी…
Pune Gangmurder Case2025: पुण्यातील नाना पेठ परिसरात मूळ असलेल्या आंदेकर टोळीचा इतिहास सुमारे ४० वर्षांहून…
Crime News : उत्तर प्रदेशातील मुस्कान रस्तोगी आणि इंदूरच्या सोनम रघुवंशीने त्यांच्या पतीला कट रचून…
अमेरिकेतील न्यूयॉर्कमध्ये २०२५ च्या महापौरसाठीच्या निवडणुका पार पडल्या. या निवडणुकीत भारतीय वंशाचे जोहरान ममदानी यांनी…
१२ सप्टेंबर १९९२. मुंबईतील जे.जे. रुग्णालयात तो नेहमीसारखाच एक दिवस होता. डॉक्टर्स रुग्णांच्या तपासणीत व्यग्र…
राज्य निवडणूक आयोगाने अखेर महाराष्ट्रातील नगरपरिषद आणि नगरपंचायतींच्या निवडणुकांचा कार्यक्रम जाहीर केला आहे. सर्वोच्च न्यायालयाने…