Daily राशीभविष्य: 6 September 2025 : अनंताच्या कृपेने कोणाच्या घरात सुरु होणार सुख-शांतीचा नवा अध्याय ?

अनंत चतुर्दशीच्या दिवशी प्रत्येक राशींसाठी वेगवेगळे शुभ आणि अशुभ योग निर्माण होत आहेत. काही राशींना धनलाभ, नोकरीत प्रगती आणि व्यवसायात यश मिळण्याचे संकेत आहेत, तर काही राशींना थोडीशी अनिश्चितता जाणवू शकते. या खास दिवशी श्री गणेशाचे विसर्जन पार पाडले जाते, तसेच भगवान विष्णूच्या अनंत स्वरूपाची पूजा करून १४ गाठी असलेले ‘अनंत सूत्र’ धारण करण्याची प्रथा आहे. चला तर पाहूया, अनंत चतुर्दशीला १२ राशींवर कसा परिणाम होणार आहे.

मेष –
अनंत चतुर्थीच्या दिवशी घरात सणासुदीचा उत्साह आणि गोडधोडाची रेलचेल असेल. कामाच्या ठिकाणी मान-सन्मान वाढेल. नवीन संधी हाताशी येतील, त्यांचा फायदा घ्या. नातेसंबंधात गोडवा वाढेल. आर्थिक लाभाच्या संधी मिळतील. संध्याकाळी धार्मिक पूजेतून सकारात्मक ऊर्जा लाभेल.

वृषभ –
आजचा दिवस धार्मिक आणि कौटुंबिक आनंद देणारा आहे. घरातील ज्येष्ठांकडून आशीर्वाद आणि मार्गदर्शन मिळेल. सणामुळे वातावरणात आनंदाची लहर असेल. पैशांच्या बाबतीत शुभ बातमी मिळण्याची शक्यता. जवळच्या लोकांसोबत जुने गैरसमज दूर होतील.

मिथुन –
तुमच्या बोलण्याच्या शैलीने लोकांना प्रभावित कराल. अनंत चतुर्थीच्या निमित्ताने नवीन प्रकल्प किंवा कामाची सुरुवात होईल. पैशाच्या बाबतीत चांगला दिवस, पण आरोग्याकडे दुर्लक्ष नको. प्रवासाची योजना असेल तर ती पुढे ढकला.

कर्क –
कौटुंबिक सौहार्द आणि सणाची रंगत आज विशेष अनुभवता येईल. घरातील लहानग्यांच्या आनंदामुळे वातावरण प्रसन्न राहील. अडकलेले प्रश्न सुटतील. धार्मिक कार्यात सहभाग घेऊन मानसिक शांती मिळेल.

सिंह –
आज तुमच्या व्यक्तिमत्त्वाचा तेज सर्वांना भुरळ घालेल. सामाजिक आणि धार्मिक कार्यक्रमात सहभाग वाढेल. आर्थिक बाबतीत सकारात्मक घडामोडी. खर्च वाढला तरी तो समाधान देणारा असेल. शुभ बातमी मिळण्याची शक्यता.

कन्या –
जुन्या मित्रांची भेट आनंद देईल. नवीन संधी तुमच्या वाट्याला येतील. आर्थिक लाभ संभवतो. आध्यात्मिक विचारांमुळे मनाला शांतता मिळेल. सणामुळे घरात उत्साहाचे वातावरण राहील.

तूळ –
नवी ओळख आणि संपर्क फायदेशीर ठरतील. पाहुण्यांची वर्दळ घरात गजबज वाढवेल. प्रेमसंबंधात गोडवा वाढेल. आरोग्य उत्तम राहील. सणामुळे कुटुंबातील नाती अधिक घट्ट होतील.

वृश्चिक –
ताणतणाव कमी होऊन मन शांत होईल. धार्मिक विधीतून सकारात्मक ऊर्जा मिळेल. पैशाच्या बाबतीत लाभ संभवतो. घरातील ज्येष्ठांचा आशीर्वाद तुमच्यासाठी शुभ ठरेल.

धनु –
प्रवासासाठी अनुकूल दिवस, विशेषतः धार्मिक कारणांसाठी. सणाच्या खर्चात वाढ होईल पण तो आनंदासाठी असेल. शुभ कार्याची सुरुवात करण्यासाठी योग्य वेळ. मित्रांसोबत वेळ घालवण्याची संधी मिळेल.

मकर –
जुने वाद मिटतील आणि नवीन नाती जुळतील. कामाच्या ठिकाणी मान्यता मिळेल. घरात आनंदाचे वातावरण राहील. धार्मिक पूजेतून मन प्रसन्न होईल.

कुंभ-
मेहनतीचे फळ मिळेल. घरात सजावट, गोडधोड आणि धार्मिक वातावरण असेल. आर्थिक स्थितीत सुधारणा होईल. मात्र आरोग्याकडे लक्ष द्या. संध्याकाळी प्रियजनांसोबत वेळ घालवा.

मीन –
मानसिक शांती आणि आत्मविश्वास वाढेल. धार्मिक कार्यात सहभाग घ्या. नवा व्यवसाय किंवा योजना सुरू करण्यासाठी दिवस अनुकूल आहे. पैशांच्या बाबतीत चांगला दिवस.