पृथ्वीचा एक नवीन क्वासी-मून म्हणजेच लघुचंद्र सापडला आहे. हा 19 मीटरचा लघुग्रह गेल्या अनेक दशकांपासून पृथ्वीसह सूर्याभोवती फिरत आहे. तो लहान आहे, त्यांमुळे त्याचा शोध लागला नव्हता. याबाबत सविस्तर माहिती जाणून घेऊयात.
आपल्या पृथ्वीला एक चंद्र आहे हे आपल्याला माहिती आहे. मात्र आता दुसऱ्या एका चंद्राचा शोध लागला आहे. अलिकडेच शास्त्रज्ञांनी 2025 पीएन 7 नावाचा एक नवीन ‘क्वासी-मून’ (अर्ध चंद्र) शोधला आहे.
2025 पीएन 7 हा एक छोटा लघुग्रह पृथ्वीसह सूर्याभोवती फिरत आहे, म्हणजे तो पृथ्वीचा चंद्र आहे. विशेष म्हणजे हा चंद्र गेल्या 60 वर्षांपासून पृथ्वी सोबत आहे, मात्र त्याचा शोध अलिकडेच लागला आहे.
क्वासी-मून हा एक प्रकारचा लघुग्रह असतो, जो पृथ्वीसह सूर्याभोवती फिरतो. तो पृथ्वीच्या चंद्रासारखा दिसतो, मात्र प्रत्यक्षात तो सूर्याभोवती फिरतो. असे लघुग्रह पृथ्वीवर तात्पुरते येतात आणि पुन्हा परत जातात.
पृथ्वीला आधीच कार्डिया आणि कामो’ओलेवा सारखे सात क्वासी-मून आहेत.2025 पीएन7 हा सर्वात लहान अर्ध-चंद्र आहे. हा चंद्र 60 वर्षांपासून पृथ्वीसोबत आहे आणि तो आणखी 60 वर्षे पृथ्वीसोबत राहणार आहे.
2025 पीएन 7 चा व्यास फक्त 19 मीटर (62 फूट) आहे. हा लघुग्रह पृथ्वीपासून 4.5 दशलक्ष ते 60 दशलक्ष किलोमीटर अंतरावर आहे. तो आर्जुना लघुग्रह पट्ट्यातून आला आहे.
